「望夫石」- 2016首個上班日

假期後，老公首個上班日子，下次放假就要等到1個月後，我實在有點失落！假期每天痴住他，被他疼愛照顧，假後又要做「望夫石」天天呆在家中等他，很失落! 我真的對著老公一輩子都不會悶

下午時收到老公message,因皮膚敏感2點多就提早收工回來睇醫生！那刻真係好開心因為可以早點見到他，相處時間又多一點，但同時也擔心他皮膚敏感問題，因為過去他沒有發生過此情況，而且知道老公敏感到好痕！幸好睇醫生後並沒有大礙，只希望他快快康復

晚上睡前和老公傾計，我問他是性格及家庭關係而令到他會很照顧另一半還是因為另一半是我所以才那麼疼我及照顧我？老公都話不清楚，因為想像不到，但他認為對著不同的人會產生不同的性格！不管怎樣，最起碼他對我是非常愛惜及照顧

病倒了

由27/12/2015（日）病到去2/1/2016（六）,整整一個星期，最初都不敢看醫生，始終懷孕不想食藥，病了幾天打算靠自己的抵抗力去打勝仗，但到第四天仍然鼻塞嚴重，當天本身去廣華產檢，順道和醫生說自己感冒，廣華便開了喉痛和收鼻水藥給我！由於是產檢醫生開的藥，我比較敢食，而且醫生都話這些藥的藥性較低！可能因為藥性較低緣故，並不是食完情況即刻改善，但情況也慢慢好轉了！

剛巧這個星期是元旦假期，老公有三天假期陪我，但由於我生病了，假期都沒有出街，困在家裡，會悶親老公嗎？但能夠日日對住老公真係好開心，我實在好痴身

我們的9週年❤❤

今天是我們拍拖九週年，由於懷孕及我病了，我們都沒有特別慶祝，只是留在家中簡簡單單地過了這一天！雖然平淡，但很幸福，隨著時間久了，慢慢發現能陪在對方身邊已經好滿足！

老公，九週年快樂❤❤

平凡而幸福的星期三(廣華產檢－30w6d)

老公今天特意「射波」陪我去廣華產檢，實在好享受和老公在一起的日子，我們一齊差不多9年啦，每天仍然好想對方陪在身邊，一點都不覺悶不會厭煩，在這幾個月沒有工作的時間，每天做「望夫石」等老公回家，好期待又好辛苦，日日都想老公快點下班回來陪自己，辛苦老公了！

今天產檢，在家中準備入院的「走佬袋」，落樓下購物，回家坐在沙發上睇電視，打打鬧鬧，平凡簡單的生活但卻很幸福，真的超愛我的老公！！！！

今日廣華產檢時，睇返第二次飲糖水的結果，原來我飲完糖水後個數字去到8呀，差d我就唔合格嫁啦，睇完個報告之後真係晴天霹靂，心情好Down，幸好老公在身邊！！！另外，助產士用手禁我個肚仔，我問佢小RM掉左頭未呀？

助產士:「而家禁緊.......掉左頭啦！！！你都禁下，呢到硬硬地咪佢個頭仔!」

我:「你咁大力禁佢，bb會唔會痛嫁？」

助產士:「點會呢！bb好開心你禁佢同佢玩tim呀！」

我靜晒，作為媽媽我只怕整傷bb喳！！！！

不過小RM好乖，在我大約26w時在私家產檢時已經掉左頭，到30w時私家產檢仍然係掉左頭，無轉返上去，而且維持同上次產檢一樣的姿勢，到今次30w6d廣華產檢，姿勢都一樣，希望小RM位置已經穩定，唔會掉返轉頭，我的順產之路又進一大步啦！！！

廣華醫院產前講座 ☁「初生嬰兒護理」

星期六又和老公去廣華參加「初生嬰兒護理」講座，說真的講座內容並沒有什麼特別，和坊間奶粉商舉辦的產前講座大同小異，所以聽完後都有小許後悔。

幫初生嬰兒沖涼的topic聽過不少，但大部分都唔記得，其實真係需要有實際bb在手去練習先會記得！

2月廣華媽媽Lunch Gathering

上完廣華的母乳班後，就join左幾位2月廣華媽媽有一個Lunch Gathering，大家傾得好開心，傾下傾下都傾左3個鐘，懷孕時真的需要有同道中人一齊分享。

由左自右: Teresa, Christy, Mimi, Maize, 我自己, ToTo, Heidi

廣華醫院產前講座 ☁「母乳餵哺教室」

講座中的假bb,感受餵奶位置及姿勢

今天一早和老公到廣華出席母乳餵哺教室(很感謝老公每次都會陪同出席)，其實講座所講的內容都是老新常談，在網上已有好多資訊，所以只把今次講座當是溫故知新！